काठमाडौँ- कङ्गोमा विद्रोहोले प्रहार गरेको गोली लागेर शान्ति मिशनमा खटिएका नेपाली सैनिक प्युठ अनिल गुरुङको शवलाई काठमाडौंबाट सेनाको हेलिकप्टरमा सुर्खेतको गुर्माकोट लगिएको छ । नेपाली शान्ति सैनिक प्युठ गुरुङको पार्थिव शरिरलाई अहिले उनको जन्मथलो लगिएको हो।

हिजो काठमाडौँ आइपुगेको उनको शवलाई आज बिहान काठमाडौँको छाउनीमा आयोजित श्रद्धाञ्जली सभामा प्रधानसेनापति र राष्ट्र संघका आवासीय प्रतिनिधि रिचर्ड हवार्डले श्रद्धाञ्जली दिएका हुन्।

नेपाली सेनाको झण्डा र राष्ट्र संघको झण्डा ओढाइएको शवलाई सेनाको टुकडीले अन्तिम सम्मान अर्पण गरेको हो ।

त्यस्तै परिवारजनले श्रद्धाञ्जली व्यक्त गरेपछि सेनाको स्थानीय टुकडीले उनलाई अन्तिम सलामी अर्पण गर्ने बताइएको छ । उनको गत मंगलबार निधन भएको थियो ।