काठमाडौँ– नेपाल नागरिक उड्डयन प्राधिकरणका पूर्वमहानिर्देशक राजकुमार क्षेत्रीलाई अवकाश दिँदै जारी गरिएको पत्र कार्यान्वयन नगर्न सर्वोच्च अदालतले अल्पकालीन आदेश दिएको छ ।

उमेर हदको कारण देखाउँदै अवकाश दिइएपछि क्षेत्रीले सर्वोच्चमा मुद्दा दायर गरेका थिए ।

आइतबार सोही मुद्दाको सुनुवाइ गर्दै न्यायाधीश बमकुमार श्रेष्ठको इजलासले अवकाश दिइएको पत्र कार्यान्वयन नगर्न अल्पकालीन आदेश दिएको हो ।

साथै, सबूत प्रमाणसहित विपक्षीलाई १५ दिनभित्र उपस्थिति हुन वा प्रतिनिधिमार्फत् लिखित जवाफ पेश गर्न पनि अदालतले आदेश दिएको छ ।

दुवै पक्षबीच छलफल गराई यो मुद्दाको टुंगो लगाउनु उपयुक्त हुने अदालतको ठहर छ । यसका लागि फागुन ९ गते पेशीसमेत तोकिएको छ ।

प्राधिकरणले क्षेत्रीलाई उमेर हदको कारण देखाउँदै पुष २३ गते अनिवार्य अवकाश दिएको थियो ।