सुन्दरहरैँचा– विराटनगरमा भएको  विद्यालयस्तरीय तेस्रो संस्करणको बास्केटबल कप प्रतियोगिताको फाइनल खेलमा बिकेभिएम र अरनिको स्कुलले उपाधि हात पारेका छन् । विराटनगर बास्केटबल एकेडेमीको आयोजनामा पुरुष र महिलातर्फको फाइनल खेल कोबास कलेजको बास्केटबल कोर्टमा भएको थियो ।

फाइनल खेलमा पुरुषतर्फ सगरमाथा स्कुललाई ३७-२८ अंकले पराजित गर्दै बिकेभिएम स्कुल विजयी भएको छ । त्यसैगरी महिलातर्फको फाइनल खेलमा पोखरीया स्कुललाई २-४ अङ्कले पराजित गर्दै अरनिको स्कुल विजयी भएको थियो ।

पुरूष र महिलातर्फको खेलमा क्रमशः बिकेभिएम स्कुलका गुनानन्द यादव र अरनिको स्कुलका उत्कृष्ट खेलाडी घोषित भएकालाई ट्रफी वितरण गरिएको थियो ।

विद्यालयस्तरीय तेस्रो विराटनगर बास्केटबल प्रतियोगितामा महिला र पुरुष गरी आठ टिमको सहभागिता रहेको कार्यक्रम संयोजक मुकेश यादवले जानकारी दिए ।