काठमाडाैँ-  यही नोभेम्बर २० देखि कतारमा सुरु हुने पिफा विश्वकपका लागि बेल्जियमले राष्ट्रिय फुटबल टिमको घोषणा गरेकाे छ। मुख्य प्रशिक्षक रोबर्टो मार्टिनेजले बिहीबार २६ सदस्यीय टोली घोषणा गरेका हुन् ।

उनले गर्दा चोटसँग संघर्षत फर्वाड रोमेलु लुकाकुलाई पनि टिममा समेटिएको छ। लुकाकुलाई विश्वकपका लागि फिट हुने आशामा टिममा सहभागी गराएका हुन्। टिममा अनुभवी खेलाडीहरु एडेन हाजार्ड, केभिन डि ब्रुएनलगायत स्टार खेलाडीहरु रहेका छन्।

त्यस्तै रियलका स्टार खेलाडी इडेन हाजार्डलाई पनि कप्तानको रुपमा टिममा बोलाइएको छ। तर उनी पछिल्लो समय रियलमा नियमित रुपमा टिममा पर्न सकेका थिएनन्।

त्यस्तै ब्रायन हेयनेन, एलेक्सिस सालमेकर्स, डोडी लुकेबाकिओ र जासोन डेनायरलाई स्ट्याबाई खेलाडीको रुपमा राखिएको छ।