काठमाडौं– मुलुकमा भित्रिनेभन्दा बाहिरिने मुद्राको मात्रा बढेको पाइएको छ । नेपाल राष्ट्र बैंकले सार्वजनिक गरेको चालु आर्थिक वर्षको १० महिनाको आर्थिक समीक्षा प्रतिवेदनअनुसार मुलुकको शोधनान्तर घाटा २ खर्ब ८८ अर्ब ५० करोड रुपैयाँ पुगेको छ ।

अघिल्लो वर्षको सोही अवधिमा शोधनान्तर स्थिती ७ अर्ब ७५ करोड रुपैयाँले बचतमा रहेको राष्ट्र बैंकले जनाएको छ ।

अमेरिकी डलरमा अघिल्लो वर्षको सोही अवधिमा ५ करोड ५४ लाख रुपैयाँले बचतमा रहेको शोधनान्तर स्थिति यतिबेला २ अर्ब ४१ करोड रुपैयाँले घाटामा रहेको राष्ट्रबैंकले सार्वजनिक गरेको प्रतिवेदनमा उल्लेख छ ।

त्यस्तै, यस अवधिमा चालु खाता ५ खर्ब ४७ अर्ब ३६ करोड रुपैयाँले घाटामा रहेको छ । अघिल्लो वर्षको सोही अवधिमा चालु खाता २ खर्ब ५१ अर्ब २९ करोड रुपैयाँले घाटामा रहेको थियो ।