काठमाडौं– आतंककारीले हिन्दू शिक्षिकाको हत्या गरेको भन्दै भारत प्रशासित जम्मु कश्मीरका मानवअधिकारवादी संस्थाहरुले निन्दा गरेका छन् ।

जम्मु कश्मीरको जन न्याय मोर्चाले जम्मु कश्मीरको कुलगाम जिल्लाकी शिक्षिकाको हत्याको निन्दा गरेको हो ।

आतंककारीले केही दिनअघि जम्मु क्षेत्रको साम्बाकी बासिन्दा ३६ रजनी बलाको हत्या गरेका थिए । उनको कुलगाम क्षेत्रको गोपालपोरामा आतंककारीले गोली हानी हत्या गरेको भारतीय समाचार संस्था एएनआईले जनाएको छ ।

आतंककारी आक्रमणमा उनी घाइते भएको र उपचारका क्रममा अस्पतालमा उनको मृत्यु भएको जनाइएको छ ।

कश्मीरको जन न्याय मोर्चाले उनको हत्याका कारण कश्मीर उपत्यकको भ्रातृत्वमा आँच आउने भन्दै आक्रमणकारीलाई तत्काल कारवाही गर्न समेत माग गरेको जनाइएको छ ।