काठमाडौँ– लोसपाकी सांसद चन्दा चौधरीले स्थानीय चुनावका बेला आफूमाथि भएको आक्रमण गर्नेमाथि कारवाहीको प्रक्रियाका बारेमा सरकारसँग जानकारी माग गरेकी छिन् ।

प्रतिनिधिसभाको शुक्रबारको बैठकमा सांसद चौधरीले आफ्नै घरमा गठबन्धनका कार्यकर्ताले आफ्नो हत्या प्रयास गरेको र ८० वर्षकी आमामाथि दुर्व्यवहार गरेको भन्दै आक्रमण गर्नेमाथि कारवाहीको प्रक्रियाका बारेमा गृहमन्त्रीसँग जानकारी माग गरेकी हुन् । त्यस्तै २७ वर्षदेखि आफ्नो घरमा आक्रमण भएको र आफ्नो दाइलाई कांग्रेसमा रहेका बेला बेपत्ता पारिएको उनले बताइन् । उनले आफ्नो परिवारमाथि आक्रमण गर्ने कानूनसम्मत दोषीलाई कारवाही गरि आफूलाई न्याय दिन माग गरिन् । 

उनले आफूमाथि भएको आक्रमणको प्रयासपछि ४० मिनेटपछि उद्धार गरिएको समेत बताइन् । चुनावमा सांसदमाथि भएको यस्तो घटना अन्य कँही पनि नभएको उनको भनाई छ ।