काठमाडौँ – स्पेनिस ला लिगा फुटबल अन्तर्गत भएको खेलमा शीर्ष स्थानको रियल मड्रिडले जित निकालेको छ।
शनिबार राति भएको खेलमा रियल मड्रिडले घरेलु मैदान सान्टियागो बर्नबेउमा गेटाफेलाई २-० अन्तरले पराजित गरेको हो ।
रियलको जितमा क्यासमिरो र लुकास भास्क्वेजले गोल गरे । ३८औं मिनेटमा क्यासमिरोको गोलबाट रियलले अग्रता बनायो । ६८औं मिनेटमा लुकास भास्क्वेजले गोल गर्दै सहज जित दिलाए ।
जितसँगै रियलको ३१ खेलबाट ७२ अंक पुगेको छ । दोस्रो स्थानको सेभियाको ६० तथा दुई खेल कम खेलेको बार्सिलोनाको ५७ अंक छ ।
पराजित गेटाफे ३२ अंक जोडेर १४औं स्थानमा रहेको छ ।
प्रतिक्रिया