होलीको रौनक सुरु, वसन्तपुरमा ठड्याइयो तीन छत्रे चीर

२६ फाल्गुन २०७८, बिहिबार

पढ्न लाग्ने समय : < 1 मिनेट

काठमाडौँ – रंगको पर्व फागु आज (बिहीबार) विधिवत सुरु भएको छ ।

आज काठमाडौँको वसन्तपुरस्थित हनुमानढोका दरबारको गद्दी बैठकको दक्षिणतर्फ तीन छत्रे होलीको चीर ठड्याएसँगै देशभर फागुको विधिवत सुरुवात भएको हो ।

यो पर्व फाल्गुन शुक्ल अष्टमीदेखि पूर्णिमासम्म अर्थात् आठ दिन मनाइन्छ । अन्तिम दिन चीर ढालिएसँगै पर्व समापन गरिन्छ ।

फाल्गुन पूर्णिमाको दिन मनाइने होली यो वर्ष पहाडी क्षेत्रमा चैत ३ गते र तराई भेगमा चैत ४ गते मनाइने नेपाल पञ्चाङ्ग निर्णायक समितिले जनाएको छ।

प्रकाशित मिति : २६ फाल्गुन २०७८, बिहिबार ९ : ४४ बजे

प्रतिक्रिया