काठमाडौँ – बर्नमाउथसँग ४-१ ले पराजित भएसँगै फ्रयांक लाम्पार्डको टोली एभर्टन मंगलबार राति इङ्लिस लिग कपबाट बाहिरिएको छ ।

बर्नमाउथको जितमा जमाल लोवी, जुनियर स्टानिलस, इमिलियानो मार्कोन्डेस र जियाडन एन्थोनीले समान एक-एक गोल गरे। एभर्टनका लागि डिमराई ग्रेले सान्त्वना गोल गरे।

जितसँगै बर्नमाउथ चौथो चरणमा स्थान बनाएको हो । बर्नमाउथ इङ्लिस प्रिमियर लिगको लगातार चार खेलमा पराजित भएको थियो । यससँगै बर्नमाउथले पाँचौ खेलमा आएर हारको शृंखलामाथि समेत पूर्णविराम लगाएको छ ।

पछिल्लो खेलमा प्रिमियर लिगमा लेस्टर सिटीविरुद्ध पराजित भएपछि लाम्पार्डले मंगलबार बर्नमाउथविरुद्ध ११ खेलाडी परिवर्तन गर्दै टोली मैदानमा उतारेका थिए।

लिग कपअन्तर्गत मंगलबार सम्पन्न अन्य खेलमा लेस्टर सिटीले न्युपोर्ट काउन्टीलाई ३ ० ले हरायो भने बनर्लीले क्रले टाउनलाई ३ १ ले निराश पार्‍यो।

त्यस्तै जेलिनघमले ब्रन्टफोर्डलाई पेनाल्टी सुट आउटमा ६ ५ ले हरायो भने लिङकन सिटीले ब्रिस्टोल सिटीलाई ३ १ ले पराजित गरेको छ।