काठमाडौँ – भुटानले साफ महिला च्याम्पियनसिप फुटबलमा ऐतिहासिक जित निकालेको छ । त्रिपुरेश्वरको दशरथ रङ्गशालामा आज भएको खेलमा भुटानलाई ५–० ले पराजित गरेको हो ।

श्रीलङ्कालाई हराउँदै भुटानले पहिलो पटक साफ च्याम्पियनशिपको अन्तिम चारमा पुग्ने सम्भावना बलियो बनाएको छ ।

सन् २०१० बाट सुरु भएको महिला साफ च्याम्पियनसिपमा भुटानले अहिलेसम्म जित्न सकेको थिएन । तर, शुक्रबार दशरथ रंगशालामा भएको खेलमा भुटानले श्रीलंकालाई ५–० ले पराजित गर्न सफल भयो । यो जितसँगै भुटानले महिला फुटबलमा इतिहास रच्न सफल भएको हो ।

साफ च्याम्पियनसिपको पहिलो संस्करणमा भुटान श्रीलंकासँग १–१ को बराबरीमा रोकिएको थियो । यो नै भुटानको लागि सबैभन्दा ठूलो उपलब्धी थियो ।

यो जितसँगै भुटानले सेमिफाइनलमा पुग्ने सम्भावनालाई बलियो बनाएको छ । अब २७ गते नेपाल र श्रीलंकाबीचको खेल बराबरीमा सकिए पनि भुटान सेमिफाइनलमा पुग्ने छ ।