काठमाडौँ– अभिनेता सरोज खनालले निर्देशनमा डेब्यु गरेको फिल्ममा भुवन केसीले अभिनय गर्न मानेनन् । सरोजले केही दिन अगाडि आयोजित कार्यक्रममै भुवनले आफूलाई नपत्याएको गुनासो गरे । ‘एउटा सानो भूमिका थियो । मैले भुवन दाइलाई अफर गरे तर उहाँले मलाई विश्वास गर्नु भएन’ सरोजले स्टेजबाट नै भने । सरोजले यसो भनिरहँदा गुनासो प्रष्ट देखिन्थ्यो । यता सरोजले नीर शाह, करिश्मा मानन्धर, आकाश श्रेष्ठको तारिफ गरे । 

किनकी स-सानो भूमिकामा उनीहरूको अभिनय रहेको थियो । आकाशले एउटा गीत र केही सिनेमा काम गरेका छन् । ‘आकाशले हाम्रो आग्रहलाई मान्नु भयो । धन्यवाद छ’ सरोजले भने । यता आकाशले आफू टिमसँग जोडिन पाउँदा खुशी लागेको सुनाए । फिल्ममा भूमिका सानो भएपनि प्रभावकारी रहेको उनको भनाई छ । ‘मैले यो टिमसँग काम गर्न पाए निकै उत्साहित छ’ । मेरो भूमिका सानो छ । यद्यपि महत्वपूर्ण छ । फिल्मको कथावस्तु निकै सशक्त छ’ आकाशले भने । फिल्मले उठाएको विषयवस्तुले समाजलाई सकारात्मक सन्देश प्रवाह गर्ने उनको विश्वास छ ।

फिल्ममा गौरीशंकर धुजुको डिओपी, उत्सव दाहालको छायांकन, अर्जुन जिसी, राजेश शाह र सन्देश शाहको सम्पादन, समिर मियाँको भि.एफ.एक्स। तथा रेनिश फागोको कलर करेक्सन रहेको छ । साउन्ड मिक्सिङ मुकेश शाह र ब्याकग्राउन्ड स्कोर द एक्स ब्याण्डका शिव मुखियाको रहेको छ । फिल्मकी कार्यकारी निर्माता अभिनेत्री करिश्मा मानन्धर हुन् ।