काठमाडौँ– मोडेल अदिति बुढाथोकी सामाजिक सञ्जालमा सक्रिय छिन् । 

मुम्बई बसेर मोडलिङमा संघर्ष गरिरहेकी अदितिले आफ्नो गतिविधिलाई सामाजिक सञ्जालमा अपडेट गर्ने गरेकी छिन् । यिनै अदितिले हालै इन्स्टाग्राममा २० लाख फलोअर्स प्राप्त गरेकी छिन् । सम्भवत नेपाली एक्ट्रेसको यतिको फ्लोअर्स सामाजिक सञ्जालमा छैनन् । 

यसले उनलाई सामाजिक सञ्जालमा फ्लो गर्नेको संख्या देखाएको छ । सामाजिक सञ्जालकै कारण उनले नेपाली फिल्म ‘कृ’ मार्फत एक्ट्रेसको रुपमा डेब्यु गर्ने मौका पनि पाएकी थिइन् । यद्यपि डेब्यु फिल्ममै उनले सफलता पाउन सकिनन् । सामाजिक सञ्जालमा देखिएको क्रेज हलमा नदेखिंदा निर्माताले लगानी सुरक्षित गर्न सकेनन् । फलतः दोस्रो फिल्मका लागि उनको पर्खाइ निकै भयो । 

केही सामान्य ब्यानरका फिल्महरू अफर भएपनि उनले खोजेको ब्यानरले फिल्ममा अफर गरेनन् । त्यसकारण लामो समय पश्चात उनकै होम प्रोडक्सन मार्फत निर्माण गरिएको फिल्म ‘बाबरी’ मा उनले काम गरेकी छिन् । उनले खोजे जस्तो फिल्म नपाएपछि आफ्नै लगानी गरेको फिल्म आउँदो भाद्रको अन्तिम साता रिलिज हुँदैछ । 

यो फिल्म स्फाल बनाउन उनका इन्स्टामा रहेका नेपाली फ्यानहरू हलसम्म  आउँछन् या आउदैनन् ? यो भने आउँदा दिनले नै बताउने छ ।