काठमाडौँ– रनवीर कपुर र आलिया भट्टको मुख्य भूमिका रहेको  ‘ब्रम्हास्त्र’ लाई विश्वभर डिज्नेले वितरण गर्ने भएको छ । 

सेप्टेम्बर ९ मा प्रदर्शन  हुने फिल्मसँगै हिन्दी फिल्म दि वाल्ट डिज्नेले वितरणको जिम्मा लिएको पहिलोपटक हो । आयान मुखर्जी निर्देशित दुई भागमा बनेको फिल्मको पहिलो भाग ‘ब्रम्हास्त्र भाग १ः शिवा’ डिज्नेले वितरण गर्न लागेको हो । 

फक्स स्टार स्टुडियोले निर्माण गरेको यो फिल्ममा अमिताभ बच्चन र नागार्जुन पनि महत्वपूर्ण भूमिकामा रहेका छन् । पौराणिक मिथमा आधारित फिल्ममा भिज्यवुल इफेक्टस्को राम्रो प्रयोग भएको चर्चा छ । निर्माण टिमले केही दिनमै यसको ‘केसरिया’ बोलको गीत सार्वजनिक गर्दैछ । हिन्दीबाहेक यो फिल्म तमिल, तेलगु, मलयालम र कन्नडा भाषामा पनि रिलिज हुने चर्चा छ । 

डिज्नेले ‘ब्रम्हास्त्र’ सँगै ‘थोर लभ एन्ड थन्डर’, ‘ब्ल्याक प्यान्थर’, ‘अवतार’ आदि फिल्म रिलिज गर्दैछ ।