काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) ले सानदार जित दर्ता गरेको छ । आइतबार भएको खेलमा लोरीएन्ट एफसीलाई २– १ गोल अन्तरले हराउँदै पीएसजीले जित निकालेको हो ।

पीएसजीको जितमा नेयमार र डानिलो पेरिएराले गोल गरे ।खेलको नवौं मिनेटमा नेयमारले गोल गर्दै पीएसजीलाई सुरुआती अग्रता दिलाएका थिए ।तर, खेलको ५३ औं मिनेटमा टेरिम मोफीले गोल गर्दै लोरीएन्टलाई १–१ गोलको बराबरीमा ल्याए ।

त्यसपछि खेलको ८१ औं मिनेटमा नेयमारको पासमा डानिलो पेरिएराले गोल गर्दै पीएसजीलाई २-१ को जित दिलाए । जितसँगै पीएसजीले १४ खेलमा ३८ अंक जोडेको छ ।पीएसजी शीर्ष स्थानमा रहेको छ । लोरीएन्ट २७ अंक जोडेर पाँचौं स्थानमा रहेको छ ।