काठमाडौं- एकदिवसीय क्रिकेट सिरिजको पहिलो खेलमा नेपालले जिम्बाब्वे ‘ए’ टोलीलाई १ सय ३७ रनको लक्ष्य दिएको छ । 

काठमाडौंको कीर्तिपुरस्थित त्रिवि अन्तर्राष्ट्रिय क्रिकेट मैदानमा टस हारेर ब्याटिङ गरेको नेपाल ३१ ओभर ३ बलमा सबै विकेट गुमाउँदै केबल १ सय ३६ रन बनाउन सक्यो ।

नेपालका लागि सोमपाल कामीले ३० र करन केसीले २५ रन जोडे । नेपाललाई सस्तैमा समेट्न जिम्बाब्वे ‘ए’ का ब्राड इभान्सले ४ र ब्राण्डन मभुटाले २ विकेट लिए ।

यसअघि दुई देशबीच सम्पन्न भएको टी–ट्वान्टी क्रिकेट सिरिज भने १–१ को बराबरीमा सकिएको थियो । एक टी–ट्वान्टी खेल भने वर्षाका कारण रद्द भएको थियो ।

अमेरिकामा आयोजना हुने आईसीसी पुरुष क्रिकेट विश्वकप लिग टू अन्तर्गत त्रिकोणात्मक एकदिवसीय सिरिजको तयारी स्वरुप नेपालले जिम्बावे ए टोलीसँग सिरिज खेलिरहेको हो ।