काठमाडौँ- कार्म र भोलाराज सापकोटा अभिनीत फिल्म षट्कोणको टिजर सार्वजनिक गरिएको छ । साइकोलोजिक थ्रिलर जनरामा निर्माण भएको फिल्मको टिजरले कौतुहलता जगाउने आश निर्माण पक्षको छ ।

कार्म एक मर्डर मिस्ट्रीको खोजीमा लागेको पत्रकारको भुमिकामा फिल्ममा प्रस्तुत छन् । मिलन डि काप्रिको डेव्यु निर्देशन रहेको फिल्ममा कार्म र भोलासँगै लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको अभिनय रहेको छ ।

क्लेमेन्टाइन प्रोडक्सन र ट्राभलर्स क्रिउ फिल्मसको ब्यानरमा निर्माण भएको फिल्म आगामी वैशाख २३ गतेबाट प्रदर्शनमा आउँदै छ । शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् । यसमा आङ्छेन लामाको छायांकन, सागर खनाल र निर्देशक मिलन डि काप्रिको सम्पादन रहेको छ ।