काभ्रेपलाञ्चोक – काभ्रेपलाञ्चोकको पनौती नगरपालिका–५ स्थित आइटीपार्क नजिकै सवारी दुर्घटना हुँदा मोटरसाइकल चालकको मृत्यु भएको छ ।
मृत्यु हुनेमा सिन्धुपाल्चोकको बलेफी नगरपालिका–६ का अन्दाजी २८ वर्षीय फुलकाजी तामाङ रहेका छन् ।
पनौतीबाट बनेपातर्फ जाँदै गरेको बा ७३ प ७५०२ नम्बरको मोटरसाइकललाई हाल नम्बर नखुलेको सवारी साधनले आइतबार राति साढे ९ बजे ठक्कर दिएको थियो ।
गम्भीर घाइते भएका तामाङलाई उपचारको लागि अस्पतालतर्फ लैजाँदै गर्दा बाटोमै मृत्यु भएको जिल्ला प्रहरी कार्यालय काभ्रेपलान्चोकले जनाएको छ ।
दुर्घटना लगत्तै सवारी साधन सहित फरार भएका चालकको खोजी भइरहेको छ ।
प्रतिक्रिया