काठमाडौँ – आईसीसी पुरुष विश्वकप क्रिकेट लीग–टु अन्तर्गत यूएईमा हुने एक दिवसीय त्रिकोणात्मक शृंखलाको तयारीका लागि नेपाली राष्ट्रिय क्रिकेट टोली आज श्रीलंका प्रस्थान गरेको छ। नेपाल क्रिकेट संघ (क्यान) ले नेपाली टोली शनिबार बिहान श्रीलंका प्रस्थान गरेको जनाएको छ ।

त्यहाँ रहँदा नेपालले पहिलो श्रेणीका क्बसँग ४ वटा अभ्यास खेल खेल्ने छ । नेपालले सोमबार श्रीलंका नाभी, मंगलबार श्रीलंका नाभी, बिहीबार श्रीलंका पुलिस र शुक्रबार फस्ट क्लास खेलाडी सम्मलित टोलीसँग खेल्नेछ ।

नेपाली टोली श्रीलंकाबाटै फागुन ३० गते (मार्च १४ ) यूएई जाने तालिका छ। नेपालले सिरिजका लागि सन्दीप लामिछानेको कप्तानीमा १६ सदस्सीय टोलीको घोषणा गरिसकेको छ ।

नेपाली टिममा सन्दीप लामिछाने, ज्ञानेन्द्र मल्ल, दिपेन्द्र सिंह ऐरी, कुशल भुर्तेल,आरिफ शेख, आसिफ शेख, कमल सिंह ऐरी, विवेक यादव, सागर ढकाल, पवन सर्राफ, करण केसी, विनोद भण्डारी, रोहित कुमार पौडेल, सोमपाल कामी, बिक्रम सोब, भिम शार्की छन्।

त्यस्तै ६ जनाको अफिसियल टोली पनि सँगै उडेको छ।