काठमाडौँ – प्रहरीले ५० किलो गाँजासहित एक जनालाई पक्राउ गरेको छ ।

जिल्ला प्रहरी कार्यालय मकवानपुरबाट खटिएको प्रहरी टोलीले जिल्ला मकवानपुर हेटौँडा उपमहानगरपालिका– १ राप्तीरोड स्थित पूर्व पश्चिम लोकमार्ग सडकमा नेवारपानी तर्फबाट हेटौँडा तर्फ आउँदै गरेको ना२ह १५०८ नं.को अटोलाई रोकी चेकजाँच गर्दा उक्त अटोमा लुकाई छिपाई ल्याएको लागु औषध गाँजा ५० किलो ४०० ग्राम फेला गरेको हो।

उक्त अटो चालक भारत बिहार सितामढी जिल्ला ग्राम पञ्चायत नोचा वडा नं.१० थाना बेला घर भई हाल जिल्ला महोत्तरी औरही नगरपालिका वडा नं. ७ सोनामाई बस्ने बर्ष ३७ को राजेश चौधरीलाई रहेको प्रहरीले जनाएको छ ।

उक्त अटो र गाँजा सहित नियन्त्रणमा लिई थप अनुसन्धान कार्य भइरहेको प्रहरीले जनाएको छ ।