काठमाडौँ– नेकपा माओवादी केन्द्रका अध्यक्ष पुष्पकमल दाहाल प्रचण्डले आफूहरूले ल्याएको परिवर्तनको फल अरुको हातमा परेको बताएका छन् ।

गोर्खा भूतपूर्व सैनिक संघ (गेसो) ले शनिबार गरेको कार्यक्रममा अध्यक्ष प्रचण्डले माओवादीले परिवर्तन ल्याएको भन्दै यस्को फल परिवर्तन रोक्न खोज्नेहरूको हातमा परेको बताएका हुन् । उनले यही बिडम्बनाका कारण मुलुक अस्थिरताको ठूलो भूमरीमा फसेको पनि बताए ।

बाली लगाउने, दुःख गरेर स्याहार सम्भार गर्ने, थन्क्याउनेसम्मको काम आफूहरूले गर्ने अनि खाने बेला अर्काको हात परेको उनको भनाइ छ ।

अध्यक्ष प्रचण्डले परिवर्तन गर्नेले शासन गर्न पाउनुपर्ने तर्क पनि गरेका छन् ।

उनले विभिन्न चरणमा भएका आन्दोलनको परिणामस्वरूपमा देशमा ठूलठूला परिवर्तनहरू भए पनि स्थायित्व प्राप्त हुन नसकेकोप्रति चिन्ता व्यक्त गरेका थिए ।

https://www.facebook.com/khabarhubofficial/videos/2005037946341307