काठमाडौँ- त्रिकोणात्मक टी–ट्वेन्टी अन्तर्राष्ट्रिय क्रिकेट सिरिजमा पपुवा न्यू गिनी पीएनजीले शानदार जित निकालेको छ ।
काठमाडौंको कीर्तिपुरस्थित त्रिवि अन्तर्राष्ट्रिय क्रिकेट मैदानमा आज भएको खेलमा पीएनजीले मलेसियालाई ८ विकेटले पराजित गरेको हो ।
मलेसियाले दिएको १ सय ९७ रनको लक्ष्य पीएनजीले १७ ओभर ५ बलमा २ विकेट गुमाएर भेट्टायो । पीएनजीको जितमा टोनी उराले नट आउट ८६ र असद भालाले नट आउट ७४ रन बनाए ।
टस हारेर पहिले ब्याटिङ गरेको मलेसियाले निर्धारित ओभरमा ६ विकेट गुमाएर १ सय ९६ रन बनाएपछि पीएनजीले १९७ रनको विशाल लक्ष्य पाएको थियो । पीएनजीका लागि काबुआ मोरियाले ४ र रिले हेकुरेले १ विकेट लिए ।
प्रतिक्रिया