काठमाडौँ– ‘बृहत नागरिक आन्दोलन’ ले शनिबार काठमाडौँमा खबरदारी मार्च पास गरेको छ ।

‘जनताका लागि लोकतन्त्र’ भन्दै माइतीघरदेखि बानेश्वरसम्म ‘बृहत नागरिक आन्दोलन’ ले पार्च पास गरेको हो ।
उनीहरुले ‘बीपी प्रतिष्ठान बचाउ र बदल’ भन्दै खबरदारी गरेका थिए ।

मार्च पासमा सहभागीहरुले ‘दलितलाई बाटोमै छोड्ने, दातालाई बाटोमै टिप्ने’, ‘देशकै ठूलो शिक्षण अस्पताल ठप्प छ, भ्रष्टाचारले देश ग्रस्त छ’, ‘दक्षिणपन्थी सल्बलाउँदैछ, सत्ता गठबन्धन अल्मलिँदैछ’ लगायत लेखिएको पम्पलेट प्रदर्शन गरेका थिए ।

नागरिकको स्वास्थ्य जस्तो विषयमा पनि राजनीति गर्न खोजिएको भन्दै मार्चपास गरिएको अभियानी डा जीवन क्षेत्रीले बताए ।

मार्चपासका क्रममा सहभागीहरुले कविता तथा गीत गाएका थिए ।