पेशावर– पाकिस्तानमा अवामी नेसनल पार्टीले आफ्नो कार्यकर्ताको हत्याको निन्दा गर्दै हत्याको छानविन गर्न सरकारलाई माग गरेको छ ।

पार्टीका प्रवक्ता असद खान अचाक्जाईको हत्याबारे छानविन गर्न अवामी नेसनल पार्टीले सरकारसमक्ष माग गरेको हो ।

प्रवक्ता असदको बेपत्ता अबस्थाबारे नै सरकारलाई सूचना गरको तर उनको सुरक्षा गर्न सरकार असफल भएको भन्दै पार्टीका अध्यक्ष अस्फन्द्यार वाली खानले आलोचना गरेका छन् ।

बलोचिस्तानको उच्च अदालतमा प्रवत्ता असदको खोजी गर्न अपील गरे पनि अदालतले काम नगरेको अध्यक्ष खानले बताएका छन् । अवामी नेसनल पार्टीका नेता तथा कार्यकर्ताले देशमा आतंकवादविरुद्ध शान्ति कायम गर्न त्याग गरेको उनले बताए ।

चार महिना यता बेपत्ता भएका प्रवक्ता असदको अपरिचित समुहद्धारा हत्या भएको बताइएको छ ।

पार्टीका उपाध्यक्ष अमीर हेदर खान होटीले नागरिकको रक्षा गर्नु सरकारको दायित्व रहेको र हत्याको छानविन गर्न सरकारलाई माग गरेका छन् ।