आजकल अधिकांश मानिसमा रक्तचाप सम्बन्धी समस्या देखा पर्ने गरेको छ । अधिकांश मानिस उच्च रक्तचापको सिकार छन् भने केही न्यून मात्रामा न्यून रक्तचापका बिरामी पनि छन् । यस्तोमा आफूमा रक्तचापको स्तर कति छ भनेर जाँच्न नियमित यसको परीक्षण गर्ने गरिन्छ । तर रक्तचाप परीक्षणका बेला हुने केही असावधानीले सही रक्तचापको स्तर थाहा पाउन सकिँदैन । के हुन् ती असावधानीहरू ?

– रक्तचाप जाँच गर्दा बोल्नु हुँदैन ।

– हिँडडुल वा व्यायाम गर्ने बित्तिकै पनि रक्तचाप नाप्नु हुँदैन ।

– शरीर गलेको भए कम्तीमा पाँच मिनेट विश्रामपछि मात्र परीक्षण गर्नुपर्छ ।

– रक्तचाप परीक्षण गर्दा हातलाई टेबलमाथि सपोर्ट दिएर राख्नुपर्छ ।

– रक्तचाप नाप्दा पहिलो पटक दुवै हातमा नाप्नुपर्छ ।

– प्रेसर बढी भएको हातमा पुनः जाँच लिनुपर्छ ।

– परीक्षण गर्ने कोठाको वातावरण शान्त र तापक्रम आरामदायी हुनुपर्छ ।

– प्रेसर नाप्ने कम्तीमा ३० मिनेट अघिदेखि खाना, चिया, सुर्ती खाएको हुनु हुँदैन ।

– रक्तचाप जाँच गर्दा एउटा माथि अर्को खुट्टा खप्ट्याएर जाँच गर्नु हुँदैन ।

– रक्तचाप जाँच गर्दा लुगाको माथिबाट नाप्नु हुँदैन ।