जनकपरधाम– धनुषामा आज बिहान सवारी दुर्घटना भएको छ । लछमिनिया गाउँपालिका ४ सपहीमा स्कारपियो दुर्घटना भएको हो ।

दुर्घटनामा एक जनाको मृत्यु भएको छ भने पाँचजना गम्भीर घाइते भएका छन्।

जनकपुर ढल्केबर सडक खण्ड अन्तर्गत सपहीमा राजमार्गमा पुल निर्माण गर्न खनिएको खाल्डोमा खसेर ज-२०-०२-०००१ ख ००३५ नम्बरको स्कारपियो दुर्घटनामा परेको हो । यो सवारी सरकारी नम्बर प्लेटको छ ।

दुर्घटनामा परी महोत्तरीको भंगहा नगरपालिका वडा नं.९ बस्ने दीपक यादवको मृत्यु भएको छ। उनको उपचारको क्रममा प्रादेशिक अस्पताल जनकपुरमा मृत्यु भएको ईलाका प्रहरी कार्यालय महेन्द्रनगरका प्रहरी निरीक्षक तिलक सुनारले जानकारी दिए ।

पाँचजना घाइतेको उपचार प्रादेशिक अस्पताल जनकपुरमा भइरहेको छ । घाइतेको नाम खुल्न बाँकी छ ।
रहेको र घटनाको विषयमा थप अनुसन्धान भईरहेको प्रहरी निरीक्षक सुनारले बताए ।