काठमाडौँ– साताको चौथो दिन शेयर बजार नेप्से परिसूचक ४ दशमलव १३ अंकले घटेर २ हजार ८२३ दशमलव ८८ को विन्दुमा कायम भएको छ ।

आज ७५ वटा कम्पनीको शेयर मुल्य बढेको छ भने ९५ वटा कम्पनीको शेयर मुल्य घटेको छ ।

२ सय २० कम्पनीका १ करोड ६२ लाख ४८ हजार १०० कित्ता शेयर ६५ हजार १ सय ९२ वटा कारोबारबाट ५ अर्ब ८३ करोड ८५ लाख ५१ हजार ४ सय ३५ रुपैयाँमा खरीद बिक्री भएका छन् ।

अघिल्लो दिन मंगलबार ६ अर्ब ७२ करोडको कारोबार भएकोमा ८९ करोडले कारोबार खुम्चिएको थियो । कारोबारमा आएका ६ समुहका सूचकमा हरियाली छाएको छ भने ७ वटा घटेका छन् ।

फाइनान्स सूचक सर्वाधिक ५.८१ प्रतिशतले बढ्दा विकास बैंकको सूचक ३.३७ प्रतिशतले बढेको छ ।

बुधबारको बजारमा लगानी सूचक सर्वाधिक २.२१ प्रतिशतले घट्दा होटल र टुरिजमको इन्डेक्स १.३९ प्रतिशतको रगावटमा बन्द भएको छ ।

बैंकिङ्ग, व्यापार, लघुवित्त, जीवन बीमा र म्युचुअल फण्डको सूचक घटेका छन् । बुधबार नेपाल इन्सयोरेन्सको सर्वाधिक ३० करोड ३७ लाखको शेयर कारोबारमा आएको छ ।

त्यस्तै एनएलजी इन्स्योरेन्सको २१ करोड र नेशनल हाइड्रोपावरको पौने १९ करोडको शेयर खरीद बिक्री भएको छ ।