काठमाडौं–अभिनेत्री साम्राज्ञी आरएल शाह र अभिनेता पुष्प खड्का स्टारर फिल्म ‘तिम्रो मेरो साथ’ को डबिङ सुरू भएको छ । चक्रपथस्थित रेड स्टुडियोमा फिल्मको डबिङ सुरु भएको हो ।
रमेश एमके पौडेलको निर्माण तथा निर्देशन रहेको फिल्ममा सरोज खनाल, सन्दीप क्षेत्री र खगेश्वर पुन मगर(खबपू)को अभिनय रहेको फिल्म बोधी एचडी र आर्यन फिल्मसको व्यानरमा निर्माण भएको हो ।
फिल्मको लेखक तथा कार्यकारी निर्मातामा सबीर श्रेष्ठ छन् । फिल्ममा शिव ढकालको छायांकन र रामजी लामिछानेको कोरियोग्राफी छ ।
दशैं र तिहारको बीचमा रिलिजको तयारी गरिएको फिल्म नेपालअघि अमेरिका, अष्ट्रेलिया र बेलायतलगायतका देशहरुमा प्रदर्शन हुनेछ ।
प्रतिक्रिया