काठमाडौँ– नेकपा एमालेको १० औँ महाधिवेशन आयोजक कमिटीको बैठक आज बस्दैछ ।

अदालतले गत जेठ २७ मा अवैध ठहर गरेकाे यो कमिटीको यो अन्तिम बैठक ठानिएको छ । यसमा माधव नेपाल पक्षधरका कारबाही गरिएका भनिएका ११ जना बाहेकलाई डाकिएको बताइए पनि उनीहरु नजाने भएका छन् ।

बिहान ११ बजे प्रधानमन्त्री निवास बालुवाटारमा बोलाइएको बैठकमा १०औँ राष्ट्रिय महाधिवेशन आयोजक समितिलाई रूपान्तरण गरि पूर्ववत् केन्द्रीय कमिटी बनाउने स्थायी समिति बैठकको निर्णय अनुमोदन गर्ने तयारी भएको कार्यालय सचिव शेरबहादुर तामाङले जानकारी दिए ।

पार्टीभित्र असन्तुष्ट रहेका पक्षको मागका आधारमा एमालेको मंगलबारको स्थायी समिति बैठकले २०७४ जेठ २ गतेको कमिटी व्यूँताउने निर्णय गरेको थियो ।

सो केन्द्रीय कमिटीको बैठक असार १८ गते डाकिएको छ।