काठमाडौँ- धौलागिरि हिमालको आधार शिविरमा हेलिकोप्टरको भग्नावशेष र दुई वटा शव फेला परेको छ ।
नेपाली सेनाको चालु हिमाल सफाइ अभियानअन्तर्गत धौलागिरि हिमालको आधार शिविरमा हेलिकोप्टरको पाटपुर्जा र दुईवटा शव भेटिएको सैनिक प्रवक्ता सन्तोष बल्लब पौडेलले जानकारी दिए ।
१५ वर्षअघि धौलागिरि हिमालमा दुर्घटना भएको एयर डाइनेस्टीको नाइन एन एसीआर कल साइन भएको हेलिकप्टरको भग्नावशेष भेटेको नेपाली सेनाको भनाइ छ ।
सन् २००६ मा दुर्घटना भएको एयर डाइनेस्टीको हेलिकोप्टरको अवशेष भेटिएको प्रारम्भिक जानकारी प्राप्त भएको सेनाले जनाएको छ ।
मृतकको पहिचान नखुलेको र यस विषयमा अनुसन्धान भइरहेको नेपााली सेनाको जनसम्पर्क तथा सूचना निर्देशनालयले जनाएको छ ।
Mountain Cleaning Teams in Action!
A “Mountain Cleaning Campaign-2021” Team at the Dhaulagiri Base Camp has found two human remains and helicopter wreckage on 29 April 2021. #SaveTheHimalayasForFuture#MountainCleaningCapmaign2021 pic.twitter.com/6Bn3KDnmIK— NASpokesperson (@NaSpokesperson) April 30, 2021
सेनाको हिमाल सफाइ अभियानका सदस्यहरूले हिजो (बिहीवार) हेलिकोप्टरको भग्नावशेष र दुई शव फेला पारेका हुन् ।
जारी हिमाल सफाइ अभियानका क्रममा सेनाले ५ हजार १५४ केजी फोहोर संकलन गरेको जनाएको छ । जसमा ३५५ केजी जैविक र ४ हजार ७९९ केजी अजैविक फोहोर संकलन गरिएको छ ।
यस्तो छ सेनाले जारी गरेको सूचना
प्रतिक्रिया