काठमाडौँ– झापाको विर्तामोडस्थित बिएण्डसी मेडिकल कलेजले विवेकशील साझा पार्टीका पूर्वअध्यक्ष उज्वल थापाको सबै उपचार खर्च व्यहोर्ने घोषणा गरेको छ।

मेडिसिटी अस्पतालमा उपचाररत थापाको उपचारमा आर्थिक सहयोग आह्वान भएपछि बीएण्डसीले एक विज्ञप्ति जारी गर्दै सबै उपचार खर्च व्यहोर्ने घोषणा गरेको हो।

‘नेपालमा गणतन्त्र स्थापनामा लाग्नुभएका एक असल सामाजिक अभियन्ता उपचारमा रहनुभएको र उहाँको उपचारमा सहयोग संकलनको आह्वान भएको समाचार आएकाले हामीले सबै उपचार खर्च व्यहोर्ने घोषणा गरेका हौँ,’ बिएण्डसीका अध्यक्ष दुर्गा प्रसाईंले विज्ञप्तिमा भनेका छन्, ‘यो हाम्रो सामाजिक उत्तरदायित्व हो र उपचार खर्चको अभावमा कुनै पनि नेपालीले अकालमा मर्नु नपरोस् भन्ने हाम्रो मूल मान्यता हो।’

थापा मेडिसिटीको सघन उपचार कक्ष भेन्टिलेटरमा उपचाररत् छन्। उनको उपचार खर्च जुटाउन आर्थिक सहयोग आह्वान गरिएको थियो।

अस्पतालले जारी गरेको विज्ञप्ति हेर्नुहोस्