काठमाडौँ– भारतीय दूतावासले भारतको ७५ औँ स्वतन्त्रता वार्षिकोत्सवको अवसरमा समसामयिक विषयमा अन्तरक्रियाको आयोजना गरेको छ ।

कार्यक्रममा शिक्षा, नवीन सोच तथा हिमालय क्षेत्रमा दिगोपना लगायतका विषयमाथि चर्चा गरिएको हो ।

भारतकव स्वतन्त्रताको ७५ औँ वर्षमा प्रवेश गरेको परिप्रेक्ष्यमा वाङचुकको अनुभवबाट सिक्नुपर्ने पाठकाबारे पनि चर्चा भएको हो ।

कार्यक्रममा मुख्य वक्ताको रुपमा सोनाम वाङचुक र कनकमणि दीक्षित रहेका थिए ।

आफ्नो अग्रगामी कार्यबाट लद्दाख लगायत यस क्षेत्रमा आफ्नो छुट्टै पहिचान बनाउन सफल सोनाम वाङचुक इन्जिनियर, इनोभेटर, सामाज सुधारक र शिक्षा क्षेत्रका अगुवाका रुपमा परिचित छन् ।

अर्का वक्ताको रुपमा रहकेा दीक्षित एक सफल लेखक, प्रकाशक तथा सम्पादकका रुपमा परिचित छन् ।