काठमाडौँ– त्रिदेशीय फुटबलको फाइनल खेलमा नेपालले बंगलादेशविरुद्ध दोस्रो गोल गरेको छ । खेलको ४१ औँ मिनेटमा विशाल राईले गोल गरेका हुन् । योसँगै नेपालले २-० को अग्रता लिएको छ ।

यसअघि  खेलको १८ औँ मिनेटमा संजोग राईले गोल गरेका थिए ।

नेपालका लागि २४ नम्बरको जर्सी लगाएर खेलिरहेका राईले डी एरियामा पाएको बललाई गोलमा परिणत गरेका हुन् । साढे ५ बजेदेखि सुरु भएको खेल हेर्न प्रधानमन्त्री केपी ओली पनि रंगशाला गएका छन् ।

दुई टोलीबीचको खेल त्रिपुरेश्वस्थित दशरथ रंगशालामा जारी छ । नेपाली खेलाडीमा गोलरक्षकमा किरणकुमार चेम्जोङ, डिफेन्डरमा रन्जित धिमाल, रोहित चन्द, अनन्त तामाङ, दिनेश राजवंशी छन् ।

त्यसैगरी मिडफिल्डरमा त्रिदेव गुरुङ, तेज तामाङ, सन्जोग राई, विशाल राई, सुनील बल रहेका छन् भने फर्वार्डमा अन्जन विष्ट छन् ।