काठमाडौँ– त्रिदेशीय फुटबलको फाइनल खेलमा आज नेपालले बंगलादेशसँग प्रतिस्पर्धा गर्दै छ ।
त्रिपुरेश्वस्थित दशरथ रंगशालामा दुई टोलीबीचको खेल नेपाली समयानुसार साँझ ५ : ३० बाट सुरु हुनेछ ।
बंगलादेशविरुद्धको खेलको लागि नेपालले आफ्नो सुरुवाती ११ खेलाडीको नाम सार्वजनिक गरेको छ । यसअघिका दुई खेलमा एउटै प्लेइङ सेट राखेको नेपालले आज भने दुई खेलाडीलाई परिवर्तन गरेको हो ।
सुरुवाती ११ खेलाडीको सूचीमा गोलरक्षकमा किरणकुमार चेम्जोङ, डिफेन्डरमा रन्जित धिमाल, रोहित चन्द, अनन्त तामाङ, दिनेश राजवंशी छन् ।
त्यसैगरी मिडफिल्डरमा त्रिदेव गुरुङ, तेज तामाङ, सन्जोग राई, विशाल राई, सुनील बल रहेका छन् भने फर्वार्डमा अन्जन विष्ट छन् ।
प्रतिक्रिया