दक्षिण भारतीय अभिनेता सूर्या अभिनित फिल्म सोरारई पोटरु ओस्कारको प्रतिस्पर्धामा सहभागी हुने भएको छ । सुधा कोंगाराद्वारा निर्देशित फिल्म सोरारई पोटरु ओस्कारको विभिन्न विद्यामा भारतीय चलचित्रको तर्फबाट परेको छ ।

सोरारई पोटरु सर्वश्रेष्ठ अभिनेता, सर्वश्रेष्ठ अभिनेत्री, सर्वश्रेष्ठ निर्देशक, सर्वश्रेष्ठ ओरिजनल स्कोर र अन्य विद्यामा ओस्कारमा भारतीय चलचित्रको तर्फबाट पुगेको हो । ओस्कारमा चलचित्र पुगेपछि अभिनेता सूर्यालाई चौतर्फि बधाई आएको छ ।

कोरोना संक्रमण जोखिमका कारण यस पटक नियम बदलेको ओस्करमा ओटीटी फर्ममा रिलीज भएको फिल्मले समेत सहभागीता पाएका थिए । जसमा भारतबाट सूर्या र अपर्णा बालामुरली स्टारर फिल्मले बाजी मारेको हो ।

यो फिल्म हालैमा अमेजन प्राइम भिडियोमा रिलीज भएको थियो । जहाँ सूर्याको अभिनयको निकै प्रशंसा पाएको थियो ।