काठमाडौँ– सरकारले तीन देशका लागि राजदूत सिफारिस गरेको छ । बिहीबार बसेको मन्त्रिपरिषदको बैठकले भारत, अमेरिका र बेलायतका लागि राजदूत सिफारिस गरेको एकमन्त्रीले जानकारी दिए । उनका अननुसार भारतका लागि डा. शंकर शर्मा, अमेरिकाका लागि श्रीधर खत्री र बेलायतका लाग ज्ञानचन्द्र आचार्य सिफारिसलाई गरिएको छ ।

सरकारले यसअघि यी देशमा रहेका राजदूतलाई पदावधि नसकिँदै फिर्ता बोलाउने निर्णय गरेपछि यी देशहरु राजदूतबिहीन छन् । मन्त्रिपरिषदको सिफारिसपछि संसदीय विशेष सुनुवाई समितिबाट अनुमोदन भएपछि राजदूत नियुक्त हुने संवैधानिक व्यवस्था छ ।

यस्तै बिहीबार बसेको मन्त्रिपरिषद् बैठकले संसदको चालु अधिवेशन बिहीबार राति १२ बजेबाट अन्त्य गर्न राष्ट्रपति समक्ष सिफारिस गरेको छ । संसदको चालु अधिवेशन गत भदौ २३ गते सुरु भएको थियो । तर, प्रमुख प्रतिपक्षी दल नेकपा एमालेले लगातार संसद अवरोध गरेपछि संसदले आफ्नो कार्यसम्पादन गर्नसमेत पाएको थिएन ।