स्याङ्जा- स्याङ्जाको गल्याङ नगरपालिकामा मानिसमाथि आक्रमण गर्ने चितुवालाई गोली हानेर मारिएको छ ।

जिल्ला प्रहरी कार्यालय स्याङ्जाका डीएसपी राजेन्द्रप्रसाद अधिकारीका अनुसार गल्याङ नगरपालिका–७ फाँटका खड्कबहादुर गाहाको बंगुर खोरमा पसेको चितुवालाई गोली हानेर मरिएको हो ।

डीएसपी अधिकारीका अनुसार बंगुरको खोरमा रहेको चितुवाले एक्कासी निस्किएर स्थानीय ३८ वर्षीय लालबहादुर बिकमाथि आक्रमण गरेको थियो ।

मानिसमाथि आक्रमण गरेपछि थप क्षती नहोस भनेर सब–डिभिजन वन कार्यालयका कर्मचारी र स्थानीय जनप्रतिनिधिको रोहवरमा चितुवालाई गोली चलाइएको डिएसपी अधिकारीले बताए ।

गोली लागेर घाइते भएको चितुवा केहीबेरमै मरेको थियो । चितुवाको आक्रमणबाट घाइते लालबहादुर बिक गल्याङ नगर अस्पतालमा उपचार गराएर घर फर्किसकेका छन् ।