पोखरा– गण्डकी प्रदेशमा कोरोना संक्रमणबाट एकैदिन ३० जना कोरोना संक्रमितको मृत्यु भएको छ । कास्कीका १२ जनासहित गण्डकीमा ३० जनाको मृत्यु भएको हो ।

यस्तै, गएको २४ घण्टामा तनहुँका छ जना, गोरखा र स्याङ्जाका ३÷३ जना, पर्वत र मुस्ताङ्का २÷२ जना तथा नवलपुर र बागलुङका १-१ जनाको आज कोरोना संक्रमणबाट मृत्यु भएको हो ।

आज मृत्यु पुष्टि भएकासंगै गण्डकीमा कोरोना संक्रमणका कारण मृत्यु हुनेको संख्या ६२४ पुगेको स्वास्थ्य निर्देशनालय पोखराले जनाएको छ ।

यस्तै, शुक्रबार गण्डकीमा थप ८०८ जनामा कोरोना संक्रमण पुष्टि भएको छ । पछिल्लो २४ घण्टामा गण्डकीका १ हजार ४९० जनामा गरिएको नमुना परीक्षणमा ८ सय ८ जनामा संक्रमण पुष्टी भएको हो ।

आज संक्रमण पुष्टी हुनेमा सबैभन्दा बढी कास्की जिल्लाका २ सय ९ जना रहेका छन् ।

यस्तै, नवलपुरका १३४, पर्वतका १३३, बाग्लुङका १३२, गोरखाका ७७, तनहुँका ५४, स्याङ्गजाका ५१, म्याग्दीका १२, लमजुङका चार तथा मुस्ताङ र मनाङ जिल्लाका थप १÷१ जनामा कोेरोना संक्रमण पुष्टी भएको निर्देशनालयको आज प्रकाशित पछिल्लो विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ४० हजार ४९५ पुगेको छ ।

पछिल्लो २४ घण्टामा गण्डकी प्रदेशबाट ७७० जना कोरोनामुक्त भएका छन् । योसँगै, प्रदेशमा कोरोनामुक्त हुनेको संख्या २८ हजार ५९६ पुगेको छ । प्रदेशमा अहिले ११ हजार २७५ सक्रिय संक्रमित रहेको निर्देशनालयले जनाएको छ ।