विराटनगर– प्रदेश १ को प्रदेशसभाको बैठक २३ चैतमा बस्ने भएको छ ।

प्रदेशसभा सचिवालयले आइतबार सूचना जारी गर्दै २३ चैत दिउँसो २ बजेका लागि प्रदेशसभा बैठक बोलाएको हो ।

एमाले र माओवादी केन्द्र ब्युँतिएपछि एमालेभित्र चर्किएको विवादका कारण प्रदेश १ को प्रदेशसभा बैठक पटक–पटक स्थगित हुँदै आएको थियो ।

प्रदेश १ को प्रदेशसभा बैठक ९ फागुनयता बस्न सकेको छैन । २० फागुन र २ चैतका लागि बोलाइएका प्रदेशसभा बैठक सत्तासीन दलभित्रको विवादका कारण स्थगित भएका थिए ।

प्रदेशसभामा मुख्यमन्त्री शेरधन राईविरुद्ध अविश्वास प्रस्ताव पेस भएको छ । तर, सर्वोच्च अदालतको फैसलासँगै एमाले र माओवादी ब्युँतिएपछि अविश्वास प्रस्तावमा हस्ताक्षर गरेका एमालेका वरिष्ठ नेता माधवकुमार नेपाल समूहका सांसदहरु हस्ताक्षर फिर्ता लिन सहमत भएकाले प्रस्ताव फेल हुने निश्चित भएको छ ।

सचिवालयद्वारा जारी सूचन यस्तो छ