कास्की– अमेरिका लगायत यूरोपका विभन्न मुलुकमा पठाइदिने प्रलोभन देखाएर ३३ जनासँग ९० लाख ७१ हजार रुपैयाँ ठगी गरेको आरोपमा प्रहरीले एक जनालाई पक्राउ गरेको छ ।

कहिले युरोपको कुनै देश, कहिले क्यानडा त कहिले अमेरिका पठाइदिने प्रलोभन देखाएर विभिन्न व्यक्तिहरुसँग पैसा असुलेको आरोपमा जिल्ला प्रहरी कार्यालय कास्कीले पोखरा महानगरपालिका–३० शिसुवाका धिरजकुमार बिश्वकर्मालाई पक्राउ गरेको हो ।

युरोप, क्यानडा, अमेरिका लगायतका देशहरुमा आफूले धेरै मानिसहरु रोजगारको लागि पठाइसकेको भन्दै विश्वासमा दिलाएर उनले ९० लाख ७१ हजार रुपैयाँ असुलेको ३३ जनाले जाहेरी दिएका हुन् ।

उनलाई ठगी सम्बन्धि कसूर अन्तर्गत कास्की जिल्ला अदालतबाट ५ दिनको म्याद लिएर अनुसन्धान भइरहेको कास्की प्रहरी प्रमुख एसपी जीवन श्रेष्ठले जानकारी दिए ।