मानव शरीरमा हुने विभिन्न रोगहरूमध्य डिप्रेसन पनि एक गम्भीर रोग हो । अहिले धेरै मानिसमा डिप्रेसन हुने गरेको छ। डिप्रेसन जुनसुकै बेला र जो कोहिलाई पनि हुन सक्छ ।
के हो डिप्रेसन ?
मानिसहरुमा नकारात्मक सोच उत्पन्न गराउने, दुखी तुल्याउने समस्या नै डिप्रेसन हो । यो पुरुषमा भन्दा महिलामा दुई गुणा बढी हुने गरेको छ । मस्तिष्कमा न्युरो टान्समिटरले सही ढङ्गले काम नगरेमा वा धेरै चिन्ता, तनावको कारण शरीरमा हर्मोनको मात्रामा गडबडी हुन गएमा डिप्रेसन हुन्छ ।
यी हुन् डिप्रेसनका लक्षणहरु
– अरूको कुरा झर्को लाग्नु, बोल्न मन नलाग्नु ।
– अत्यधिक मात्रामा रिस उठ्नु ।
– आफै माथि घृणाको भावना हुनु ।
– वर्तमान र भविष्य बारे नकारात्मक सोचाई हुनु ।
– काममा मन नलाग्नु ।
– निरन्तर चिन्तामा डुबिरहनु ।
– निद्रा नलाग्ने वा अबेर रात ब्युँझनु ।
– हीनताबोध हुनु ।
– सोच्ने र सम्झिने क्षमतामा कम हुनु ।
डिप्रेसनबाट कसरी बच्ने ?
– नियमित सन्तुलित खानेकुरा मात्र खाने ।
– दैनिक व्यायाम गर्ने ।
– लागु पदार्थको सेवनबाट टाढा हुने ।
– आफ्ना समस्याबारे खुलेर परिवार, साथी र डाक्टरलाई भन्ने ।
– आफूले कुनै पनि काम गर्न सक्छु भनेर विश्वास गर्ने ।
– नियमित समयमा सुत्ने र नियमित उठ्ने ।
– समाजमा घुलमिल हुने ।
– दैनिक कार्यलाई निरन्तरता दिने ।
प्रतिक्रिया