माटोको ढिस्कोले पुरिएर एक बालिकाको मृत्यु, पाँच जना घाइते

१० कार्तिक २०७८, बुधबार

पढ्न लाग्ने समय : < 1 मिनेट

सांकेतिक तस्बिर

सिरहा– सिरहाको धनगढीमाई नगरपालिका–५ जयपुरमा माटोको ढिस्कोमा पुरिएर एक बालिकाको मृत्यु भएको छ भने ६ जना घाइते भएका छन् ।

घर लिपपोत गर्नका लागि माटो लिन गएकी प्रकाश कामैतको ११ वर्षीय छोरी करिष्माकुमारी कामैतको खसेको ढिस्कोले पुरिएर मृत्यु भएको हो ।

उनकी आमासहित पाँच जना भने घाइते भएका प्रहरीले जनाएको छ । घाइतेमध्ये दुई जनाको अवस्था भने गम्भीर रहेको छ ।

प्रकाशित मिति : १० कार्तिक २०७८, बुधबार ४ : ५० बजे

प्रतिक्रिया