काठमाडौँ– बीपी कोइराला स्वास्थ्य विज्ञान प्रतिष्ठानका रजिष्ट्रार डा मोहनचन्द्र रेग्मीले शुक्रबार पदबाट राजीनामा दिएका छन् । बीपी प्रतिष्ठानमा व्यापाक अनियमिता भएको भन्दै छानबनि चलिरहेको छ ।

स्वास्थ्य तथा जनसंख्या राज्यमन्त्री उमेश श्रेष्ठले प्रतिष्ठानमा भएको अनियमितताको छानबिन गर्ने । संलग्नमाथि कारबाही गर्ने जनाएका थिए । डा. रेग्मी सो छानबनिमा सहयोग गर्न राजीनामा दिएको बताएका छन् ।

यसअघि बीपी कोइराला स्वास्थ्य विज्ञान प्रतिष्ठान धरानमा लामो समय चिकित्सक र विद्यार्थीहरुले आन्दोलन गरेका थिए । सरकारले आन्दोलनकारीसँग सहमति गर्दै छानबनि गर्ने जनाएको थियो । अख्तियार दुरुपयोग अनुसन्धान आयोगले पनि प्रतिष्ठानमा छापा मारेको थियो।