बारा– हात्तीको दाह्रासहित प्रहरीले ३ जनालाई पक्राउ गरेको छ ।

बाराको जितपुरसिमरा उपमहानगरपालिका-२१ स्थित अमलेखगन्ज बजारबाट ४ फिट लम्बाई १२ ईन्च मोटाई भएको १ थान हात्तीको दाह्रासहित तीन जनालाई पक्राउ गरिएको बारा प्रहरीले जनाएको  हो ।

पक्राउ पर्नेमा  निजगढ नगरपालिका-११ बस्ने २९ वर्षीय सूर्य प्रताप तामाङ, बारा निजगढ न.पा वडा न.११ रतनपुरका दिलबहादुर घलान र मकवानपुर हेटौडा उ.म.न.पा वडा न.१३ पदमपोखरीका सुवास तामाङ रहेका छन् ।

हेटौंडाबाट पथलैयातर्फ आउँदै गरेको ना.५० प १२२७ नम्बरको मोटरसाइकललाई ईलाका प्रहरी कार्यालय अमलेखगन्जबाट खटिएको प्रहरीले जाँच गर्ने क्रममा बोराभित्र लुकाई ल्याएको उक्त दाह्रा फेला बरामद भएको प्रहरीले जनाएको छ ।