मुम्बई– बलिउड अभिनेता ऋतिक रोशन बलिउडको व्यस्त अभिनेतामा पर्दछन् । यी अभिनेता हालका दिनमा आफ्नो नयाँ प्रोजेक्टको तयारीमा व्यस्त छन् ।

बलिउड लाइफमा प्रकाशित समाचारअनुसार ऋतिक दक्षिण भारतीय हिट फिल्म ‘विक्रम वेधा’को हिन्दी रिमेकमा देखिँदैछन् । फिल्ममा उनी ‘वेधा’ अर्थात एक ग्याङस्टारको भूमिकामा अभिनय गर्दैछन् ।

फिल्ममा पुष्कर र गायत्रीको निर्देशन रहनेछ । आफ्नो भूमिकाका लागि ऋतिकले शारीरिक हाउभाउदेखि लिएर डिक्सन र फिल्ममा देखिने उनको लुक्सको तयारी थालेका छन् ।

फिल्ममा काम गर्न पाउदा ऋतिक उत्साहित छन् । फिल्मको प्री–प्रोडक्सनको काम सुरु भइसकेको छ । यसको छायांकन गर्मी मौसममा सुरु हुनेछ ।

फिल्ममा ‘विक्रम’ अर्थात एक प्रहरी अधिकृतको भूमिकामा अभिनेता सैफ अली खान देखिनेछन् । फिल्ममा ऋतिक र सैफको द्वन्द्वलाई हेर्न दर्शक व्यग्र प्रतिक्षामा छन् ।