काठमाडौँ–  पूर्वमन्त्री एवम् प्रचण्ड–नेपाल समूहको नेपाल कम्युनिस्ट पार्टी (नेकपा) नेता गोकर्ण विष्टले प्रधानमन्त्री केपी शर्मा ओली अब एक मिनेट पनि सत्तामा बस्न लायक नरहेको टिप्पणी गरेका छन् ।

शनिवार नेपाल कम्युनिस्ट पार्टी नेकपा गुल्मीले आयोजना गरेको जिल्लास्तरीय अगुवा कार्यकर्ता भेलालाई सम्बोधन गर्दै उनले यस्तो बताएका हुन् ।

उनले ओली एक मिनेट पनि सत्तामा बस्न लायक नभएको भन्दै नैतिकताका आधारमा राजीनामा दिनुपर्ने बताए ।

साथै उनले प्रचण्ड प्रधानमन्त्री बन्न नचाहेको पनि दाबी गरेका छन् । उनले प्रचण्डले प्रधानमन्त्री बन्न चाहेको भए आधा-आधा समय सत्ता सञ्‍चालन गर्ने ओलीसँगको पूर्वसहमति अनुसार प्रधानमन्त्री बनिसक्ने बताए ।