मुम्बई– बलिउड अभिनेत्री ऐश्वर्या राय बच्चनजस्तै देखिने एक पाकिस्तानी ब्यूटी ब्लगर आमना इमरान यतिबेला सामाजिक सञ्जालमा भाइरल भइरहेकी छन् ।

सामाजिक सञ्जालमा सक्रिय रहने आमनाले कैयौं तस्वीरहरु शेयर गरेकी छन् । तस्वीरमा उनका पोज पनि ऐश्वर्याकै जस्ता छन् । सामाजिक सञ्जाल प्रयोगकर्ताले उनलाई ऐश्वर्याको ‘कार्बन कपि’ भनेका छन् ।

दैनिक भास्करमा प्रकाशित समाचार अनुसार सामाजिक सञ्जालमा आमनालाई करिब ४ हजार मानिस फलो गर्छन् । आमना पनि आफूलाई ऐश्वर्याकै फोटोकपी मान्छिन् । उनले आफूलाई ऐश्वर्याको कार्बन कपी भन्दै उनी शान्ति, प्रेम, एकता, सहिष्णुता र विनम्रतामा विश्वास राख्ने बताउछिन् ।

आमना अघि पनि ऐश्वर्याकै कार्बन कपीहरु भाइरल भइसकेका छन् । यसमा स्नेहा उलाल प्रमुख छिन् । सन् २००५ मा जब उनले ‘लकीः नो टाइम फर लभ’बाट बलिउडमा डेब्यू गरेकी थिइन् ।

त्यो समयमा अभिनेता सलमान खानले ऐश्वर्या जस्तै देखिने भएकाले स्नेहालाई बलिउडमा ल्याएको समाचार पनि आएको थियो ।