इस्लामाबाद- पाकिस्तानी पत्रकारले आफूमाथि गुप्चतर निकायले आक्रमण गराएको हुन सक्ने आशंका व्यक्त गरेका छन् ।
पाकिस्तानी पत्रकार असद अलि तुरले आफुमाथि भएको आक्रमणको जिम्मेवार गुप्तचर निकाय आईएसआईका सदस्यहरु रहेको हुन सक्ने आशंका गरेका छन् ।
केही समयअघि पत्रकार तुरमाथि इस्लामाबादस्थित आफ्नै निवासमा आपरिचित व्याक्तिहरुले आक्रमण तथा कुटपिट गरेका थिए ।
मुलुकको संस्थापनप्रति आलोचनात्मक टिप्पणी गर्दै आएका पत्रकार तुरले आफूलाई गरिएको हमलामा आईएसआई सदस्यहरुको संलग्नता हुन सक्ने जनाएका छन् ।
आक्रमणकारीहरु आईएसआई हुन या होइनन् पत्ता लगाउने काम प्रहरीको भएको जर्मन समाचारपत्र डुस्टाच वेलसँग अन्तवार्तामा उनले बताए ।
पाकिस्तानमा वर्तमान सरकारको समयमा पत्रकारहरुमाथि आक्रमणको घटना ह्वात्तै बढेको तुरले बताए । सरकारकारले गरेका धेरै गैरकानुनी र गलत कामहरुको कारण पत्रकारहरुमाथि असुरक्षा बढेको तुरले बताएका छन् ।
प्रतिक्रिया