काठमाडौँ– ऊर्जा, जलस्रोत तथा सिँचाइमन्त्री पम्फा भुसालले डेडिकेटेड र ट्रंकलाइनको बक्यौता जसरी पनि उठाएर छाड्ने स्पष्ट पारेकी छन् ।

सोमबार ऊर्जा मन्त्रालयमा सञ्चारकर्मीहरुसँग छलफल गर्दै डेडिकेटेड र ट्रंकलाइनको बक्यौता १५ अर्बमाथि रहेको र जसरी पनि बक्यौता उठाउने बताएकी हुन् । उनले उत्पादनको चरणमा जान रोकिएका आयोजनालाई अघि बढाउन आफ्नो ध्यान केन्द्रीत गर्ने पनि बताइन् ।

बूढीगण्डकीलगायत आयोजनाको काम अघि बढाउने र सिँचाइको क्षेत्रमा समन्वय गरी अघि बढ्ने मन्त्री भुसालले बताइन् । त्यस्तै धेरै विद्युत उपयोग गर्ने उपभोक्तालाई सहुलियत दिनेतर्फ अघि बढ्नुपर्ने धारणा राखिन् । आयोजनाको निर्माण र प्रसारणलाइन विस्तार द्रुतगतिमा अघि बढाइने उनको भनाइ थियो ।

उनले यसअघिका मन्त्रीहरुले गरेका काम र आवश्यक नीतिलाई निरन्ता दिने जानकारी दिए ।