मुम्बई– भोजपुरी फिल्म उद्योगले दिनानुदिन प्रगति गरिरहेको छ । यहाँ काम गर्ने अभिनेता तथा अभिनेत्रीको आम्दानीको चम्काई उस्तै गतिमा बढिरहेको छ ।

यो फिल्म उद्योगले भारतका आम क्षेत्रीय फिल्म उद्योगसँग प्रतिष्पर्धा गर्न सक्ने एउटा उचाई बनाएको छ । विशेषत यहाँका अभिनेताहरु फिल्मबाट राम्रो पारिश्रमिक लिन्छन् ।

नवभारत टाइम्सले यहाँका प्रमुख अभिनेताहरु पवन सिंह, खेसारीलाल यादव, दिनेशलाल यादव निरहुआलगायतले एक फिल्मबाट कति पारिश्रमिक लिन्छन् भन्ने विषयमा समाचार तयार पारेको छ ।

भोजपुरी फिल्म उद्योगमा आफ्नो दमदार अभिनय र गायनका लागि चिनिएका अभिनेता पवन सिंहले एक फिल्मबाट ४५ लाख देखि ५० लाख रुपैंयाँ पारिश्रमिक लिन्छन् । फ्यानहरु उनलाई भोजपुरी फिल्मका सलमान खान भन्छन् ।

अभिनेता खेसारीलाल यादव अभिनयसँगै गायनमा पनि उत्तिकै पोख्त छन् । भोजपुरी उद्योगमा पाइला चालेपछि उनले कहिल्यै पछाडि फर्केर हेर्नु परेन । उनी एक फिल्मबाट ४५ लाख रुपैंयाँ पारिश्रमिक लिन्छन् ।

अभिनेता दिनेशलाल यादवलाई मानिसहरु ‘निरहुआ’ नामले बढी चिन्दछन् । उनले निरहुआ नामले फिल्महरु र म्यूजिक एलबम गरिसकेका छन् । उनी एक फिल्मबाट ४० लाख रुपैंयाँसम्म पारिश्रमिक लिन्छन् । उनले राजनीतिमा पाइला चाले पनि त्यसमा भने सफल हुन सकेनन् ।

भोजपुरी फिल्मका सुपरस्टार हालका दिनमा देशकै ठूलो पञ्चायती प्रतिनिधि छन् । उनले कैयौं सुपरहिट फिल्ममा काम गरे । उनी एक फिल्मबाट ५५ लाख रुपैंयाँसम्म पारिश्रमिक लिन्छन् । उनले भोजपुरी अलावा बलिउड फिल्ममा पनि काम गरेका छन् ।